Европын Холбооны санхүүжилттэй “Эрасмус+” хөтөлбөрийн хүрээнд хэрэгжиж буй Испани улсын Гранадагийн Их Сургууль (University of Granada, Spain)-ийн докторын болон багшийн сургалтын тэтгэлэгт хөтөлбөрийн сонгон шалгаруулалтад урьж байна.
Уг хөтөлбөрт хүсэлт гаргагч нь МУИС-ийн дор дурдсан чиглэлийн докторант, багш байх шаардлагатай бөгөөд зөвхөн МУИС-ийн Хамтын ажиллагааны хэлтсээр (Erasmus Code: Ulaanbaatar PIC 925609309) дамжуулан хөтөлбөрт хамрагдах хүсэлт гаргана.
Мэргэжлийн чиглэл:
- Хэрэглээний математик
Тэтгэлэгт хөтөлбөрийн ангилал:
- Докторант оюутан– 1 хүн (3 сар)
- Багш– 1 хүн (1 долоо хоног)
Хөтөлбөрийн хугацаа:
- 2025 оны 7 дугаар сарын 31-ний өдрөөс өмнө хэрэгжиж дуусна.
Тэтгэлгийн хэмжээ:
- Хоёр талын нислэгийн тийзийн төлбөр.
Суралцах хугацааны амьжиргааны зардал
Тавигдах шаардлага:
- МУИС-д Хэрэглээний математикийн чиглэлээр суралцаж буй докторант, тус чиглэлийн багш байх
- Англи хэлээр ахисан түвшний мэдлэгтэй байх
- Гранадагийн Их Сургуулийн холбогдох тэнхим, хөтөлбөрийн хамтын ажиллагааг өргөжүүлэхэд хувь нэмэр оруулах хүсэлтэй байх
Бүрдүүлэх материал:
- Товч анкет (Европын Холбооны EUROPASS стандартаар бичигдсэн байх)
- Англи хэлний түвшнийг нотлох баримт бичиг
Хүсэлт хүлээн авах хугацаа: 2025 оны 2 дугаар сарын 28(Баасан гараг) хүртэл
- Материалыг PDF нэг файл болгон Хамтын ажиллагааны хэлтсийн cooperation@num.edu.mn цахим хаягаар илгээнэ.
- Хугацаа хоцорсон материал хүлээн авахгүй.
Хөтөлбөрийн талаар асууж тодруулах зүйл гарвал Хамтын ажиллагааны газрын 75754400-(1165), (1166) дугаарт холбогдоно уу.
ХАМТЫН АЖИЛЛАГААНЫ ГАЗАР
Эх сурвалж: МУИС
