МУИС-ийн Захиргаанаас “Тэнхимийн эрхлэгч нарын зөвлөгөөн”-ийг сар бүр зохион байгуулахаар төлөвлөсний дагуу эхний зөвлөгөөнийг 2023 оны 3-р сарын 9-ний өдөр Багш, оюутны хөгжлийн төвд зохион байгууллаа. 
Уг зөвлөгөөнөөр МУИС-ийн Захирлын 2022 оны 6-р сарын 27-ны А/256 дугаар тушаалаар баталсан “МУИС-ийн сургалтын хөтөлбөрийн журам”-ын дагуу сургалтын хөтөлбөрүүдийг шинэчлэн боловсруулах ажлын хүрээнд “Сургалтын хөтөлбөрийн журам”-ын агуулга, хөтөлбөр боловсруулахад анхаарах зүйлс сэдвийг хэлэлцлээ.
МУИС-ийн Улаанбаатар дахь бүрэлдэхүүн сургуулиудын 39 тэнхим, төвийн эрхлэгч оролцож, “Сургалтын хөтөлбөрийн журам”-ын хэрэгжилтийн талаар санал солилцож, цаашид хийгдэх төлөвлөгөөт ажилтай танилцав.
Хугацаа | Үйл ажиллагаа | Илтгэгч |
|---|---|---|
16.00-16.10 | Нээлтийн үг | Д.Бадарч МУИС-ийн захирал |
16.10-16.20 | Цаг үеийн мэдээлэл | Б.Батжаргал Сургалт эрхэлсэн захирал |
16.20-17.00 | “Сургалтын хөтөлбөрийн журам”-ын агуулга, хөтөлбөр боловсруулахад анхаарах зүйлс | Н.Пүрэвцогт ХШУИС-ийн Хэрэглээний математикийн тэнхимийн дэд профессор |
17.00-17.15 | Асуулт, хариулт | Зөвлөгөөнд оролцогчид |
Сургалт, хөтөлбөр чанарын баталгаажуулалтын бодлогын газар
